One Great Love 12

by: FUGI

 

Authors Notes: Nais ko muna humingi ng paumanhin sa kadahilanang hindi ako nakapag-update agad para sa IKALAWANG LIBRO ng IAAP, promise mo tatapusin ko iyon, kaso bago ko ulit buksan ang bagong pahina sa buhay nina FUGI at IAN, nais ko munang ihandong ang isang napakagandang LABSTORI na nilikha ng aking malikot na imahinasyon (napakaganda kasi, kasi naisip ko sya??? pwede na ba iyon na rason? hehe)

Disclaimers: The story is purely fiction, the ideas suddenly invaded my mind while I am alone sitting on a bus going to manila (hahaha, loner lang ang peg!).

_______________________________________________________________________________

“Akin ang Saturday at Sunday ok lang ba?” si Joss habang hawak ang kalendaryo at minamarkahan ang mga araw na hindi sya makakatulong sa pag-aalaga sa kinopkop nilng sanggol

Matapos nga ang muntikan nang mauwi sa away na sagutan nila kanina ay ngayon naman ay masaya nilang inaayos ang calendar nila ng schedule for the month kasama ang pabibo nang pabibong bata na si baby Andrei na sa puntong iyon ay kinikilala nang mga magulang ang dalawa

“Ang daya, bakit sayo lang paano ako paggusto ko lumabas” ang angal ni Calyx na nakasalampak ngayon sa sahig habang inaalalayan si baby Andrie na makatayo

“Naka-note na kasi ito sa phone ko, lakad ng barkada” ang nagpapaawang pagpapaliwanag naman nito

“Sige pero pwede naman kami lumabas ni andrie sa mga araw na iyon na wala ka” ang pagpayag nito at pamamaalam na din nito kay Joss

“Basta mabilis lang at wag ka na ulit makikipag-usap sa mga hindi mo kakilala maliwanag ba” ang mga paalala nito kay Calyx na tinanguhan nalang nito

“Narinig mo ba iyon baby pwede daw tayo mamasyal” ang masayang makikipag-usap na baling nito sa bata

Nag-chuckle naman si baby andrie na ikinangiti naman ng dalawa

“Natuwa naman ang baby andrie ah!” ang pagpuna ni Joss sabay karga sa bata at itinaas ito sa ere na lalong ikinatuwa ng bata

“Nga pala kelan ka uuwi sa atin?” biglang naitanong ni Joss habang karga karga ang bata at hinahalikan

Agad naman nagbago ang emosyon ni Calyx bigla itong nalungkot na hindi naman nakaligtas sa mga mata ni Joss

-o-o-o-o-

“Hello! nanay” si Calyx na tinawagan ang kanyang yaya na itinuturing na niyang pangalawang ina

“Calyx, anak kamusta ka na? miss ka na ni yaya” ang agad na nasabi nito pagkarinig sa boses ng alaga

“Miss ko na rin po kayo, OK lang po ako dito, nakakaadjust na po, kamusta naman po kayo?” ang mangiyak-ngiyak na si Calyx

“Mabuti lang ako, nangunguli ako dahil wala ang alaga ko, kailan ka uuwi dito?” ang naluluha na din nitong nanay-nanayan

“Hindi ko pa po masabi dahil busy na po ako dito” ang pagdadahilan na lang niya dahil kahit gustong-gusto man niyang umuwi at makita ito lalong lalo na ang pamilya nito ay hindi niya magawa dahil masasaktan lamang ito sa pagtrato sa kanya ng pamilya na parang hindi siya nag-eexist sa bahay nila pag-andoon ito

“Ganoon ba anak, laging kang mag-iingat dyan ha! Wala si yaya para ipagtanggol ka”

“Opo nanay, kayo din lagi kayong mag-iingat, sige na po!” ang mamamaalam na nito dahil baka humagulhol na ito at nagpaalaman na nga sila sa isat isa

Tahimik na humihikbi si Calyx pagkatapos ng tawag na iyon dahil sa sobrang na nya na miss ang nanay-nanayan at lalong lalo na ang pamilya pero kailangan nyang magpakatatag, kailangan nyang mapatunayan muli ang sarili sa pamilya

Nagulat nalang ito ng biglang may humawak sa balikat niya at minaniobra siya paharap at napasalampak na lang ang mukha nito sa dibdib ni Joss

“Nami-miss mo na ba sila? Kaya siguro ang lungkot mo kanina nung mabanggit ko ang pag-uwi sa atin” ang nag-aalalang si Joss na niyakap at inaalo si Calyx

Hindi na lang umimik si Calyx at niyakap na lang si Joss dahil kailangan nya ngayon ng shoulder to cry on

-o-o-o-o-

Naalimpungatan na lang si Joss ng maramdamang wala na siyang katabi sa kamang iyon ni Calyx

Pupugas-pugas na iginala niya ang kanyang mata sa paligid at walang Calyx siyang nakita

“Pumasok na yata, hindi manlang nagpaalam” ang nasabi nalang nito sabay taob ng mukha sa unan

Maya-maya pa napapaling siya kung saan nakahiga si Calyx at tumambad sa kanya ang nakatuping papel na nakapatong sa unan nito. Agad siyang napaupo at inabot pagkatapos ay binuksan

“Salamat sa pagdamay! Gumaan ang pakiramdam ko! Pagkailangan mo din ng shoulder to cry on, nakareserve na parehas yung sa akin, teka lang pala, umiikay ka ba? Hahaha biro lang.

“Nga pala may niluto na akong breakfast nasa mesa tas yung mga instructions sa pagtitimpla ng milk ni baby Andrie nandoon nakadikit sa lata ng gatas nya, pag nagka problema ka tawag ka lang ok! Uwi agad ako pagkatapos ng klase ko.

“Salamat ulit! =) ”

Napangiti nalang si Joss matapos mabasa ang note na iyon ni Calyx

Maya maya pa na nakuha na ang atensyon nito ng walang anu-anoy umatungal na si baby Andrie

-o-o-o-o-

Nasa klase man ay lumilipad naman ang utak ni Calyx dahil sa hindi mawala sa isip niya ang pagdamay at ang yakap ni Joss sa kanya kagabe at nang magising siya kanina ay sobrang lapit na nang mukha nila sa isat-isa na kaunting galawa na lang ay mahahalikan na nila ang isat-isa. Sobrang bilis ng ritmo ng pagtibok ng puso niya sa mga oras na iyon.

Napailing na lang si Calyx na parang iwinawaksi ang mga imaheng iyon sa kanyang utak

“Kamusta na kaya silang dalawa?” ang naitanong nalang nito sa sarili patungkol sa naiyan niyang si Joss at Baby Andrie

Nagulat nalang siya ng biglang nagvibrate ang kangang telepono at nang tingnan niya ito ay si Joss ang tumatawag kaya agad syang nagpaalam para mag-CR sa kanyang prof

“Ano kayang problema?” nag-aalala niyang tanong sa sarili

-o-o-o-o-

“Hello! Napatawag ka?” nag-aalala nitong pambungad ng masagot nito ang kayang phone

........................

“Ha! Sige sige uuwi na ako” agad na nagtatakbo pabalik ng room niya si Calyx at nagpaalam ng maayos sa professor nito dahil nagka-emergency lang at pinayagan naman siya nito

Mabilis pa sa alas kwatrong umalis si Calyx pagkakuha niya ng gamit niya

“Ano ba kasing nangyari?” ang sobrang napapalatak na naitanong na lang si Calyx habang patakbong lumalabas na ng campus nila.

Itutuloy.......