One Great Love 7

by: FUGI

Pauna: Nais ko po muna humingi ng sorry sa late update, salamat sa mga patuloy pa rin nagkokomento at nagbabasa ng likha ko

Authors Notes: Nais ko muna humingi ng paumanhin sa kadahilanang hindi ako nakapag-update agad para sa IKALAWANG LIBRO ng IAAP, promise mo tatapusin ko iyon, kaso bago ko ulit buksan ang bagong pahina sa buhay nina FUGI at IAN, nais ko munang ihandong ang isang napakagandang LABSTORI na nilikha ng aking malikot na imahinasyon (napakaganda kasi, kasi naisip ko sya??? pwede na ba iyon na rason? hehe)

Disclaimers: The story is purely fiction, the ideas suddenly invaded my mind while I am alone sitting on a bus going to manila (hahaha, loner lang ang peg!).

_______________________________________________________________________________

 

Dahil sa nakatungo si Calyx ay hindi niya nakita ang palihim na pagngiti-ngiti ni Joss sa mga ginawa nito, ang pagharang ng una para pigilan syang makasakay sa kotse nya at ang paghingi nito ng oras para makapag-usap sila. 

“Kala ko ba ay mas gusto mo yung ganito ang set-up natin, yung parang hindi tayo magkakilala, hindi hindi na nga ako nangungulit na sya gusto mo nung nakaraan.” ang sunod-sunod na nasabi ni Joss habang pinipilit na pigilin ang mapatawa sa palabas na kanyang ginagawa at magiging seryoso para mas epektib ang kanyang drama

Hindi naman nakatugon si Calyx dahil tama ang mga paratang na ito nanatili lang siyang tingin sa baba

“Dumidistansya na ako, dahil ayaw kong ipagsiksikan ang sarili ko sa mga taong ayaw sa akin, oo may mga nagawa akong mali pero paano ko mo makikita ang pagtatama ko sa mga pagkakamali ko sayo at ang pagbabago ko kung hindi mo ako pagbibigyang pumasok sa mundo mo, nakikipagkaibigan na nga ako calyx at wala akong iba pang intensyon” ang pagpapatuloy nito

Hindi malaman ni Joss kung saan nya mga nahugot ang mga salitang nasabi nya pero palihim palihim pa din syang natutuwa dahil nakikita nyang may tama iyon kay Calyx

“Sorry!” ang mahinang pagtugon na lang ni Calyx at unti-unting inihahakbang na ang mga paa para umalis na sa lugar na iyon dahil tumagos lahat ng sinabi nito sa kanya

Bagsak balikat na naglakad na si Calyx pero agad din naman syang  napahinto ng biglang may humablot sa kanyang braso at hinila siya nito at dahil sa bilis ng mga pagyayari ay namalayan nya na lang na nakasakay na siya sa passenger seat ng sasakyan ni Joss

-o-o-o-o-

Hindi maalis alis ang ngiti sa mga labi ni Joss dahil bukod sa nagtagumpay ito ay alam nyang ito na ang magiging simula ng magandang samahan sa pagitan nila ni Calyx.

Hindi naman nakaligtas sa mga mata ng huli ang mga ngiting iyon kaya naman sya na ang bumasag sa katahimikang sumasakop sa kanila

“Best Actor!” ang pasinghal na parinig ni Calyx dito

“Sorry!” ang mahinang tugong naman nito na mahihimigan ng pagmamakaawa

“Mag-usap naman tayo” si Joss

“Please!” ang panggagaya ng huli kay Calyx kasabay ang hindi mapigilang paghagikgik nito

“You moron! Arrrrrhhhgggg, ihinto mo na nga ito, bababa na ako” ang naiinis na naitugan lang ni Calyx

“Na ah!” kasabay ng paggalaw ng kanyang pointer finger na nagpapahiwatig ng hindi pwede habang tatawa tawa pa siya na lalo lang ikinainis ni Calyx dahilan para manahimik na lang siya

“Yan ganyan nga, dapat magbehave ka na lang” dagdag pang-aasar pa nito

-o-o-o-o-

Hindi namalayan ni Calyx na naidlip na pala sya, ugali na talaga niya iyon na mapasandal lang ay mabilis siyang makatulog. Pero magkaganoon pa naman ay naramdaman niyang may mga matang nakamasid sa kanya. Dahan dahan niyang iminulat ang kanyang mata at ang nakangiting si Joss ang bumungad sa kanya

“Nandito na tayo sleepy head” ngingiting nakakaloko ni Joss

“Nginingiti-ngiti mo na naman” pagpuna nito

“Wala naman, may falls pala sa bibig mo pag natutulog ka, buti hindi ka nalulunod” ang natatawang sabi nito habang mabilis na lumalabas ng kotse niya

“Moron!” singhal nito na agad din na-conscious dahil sa mga sinabi ni Joss sa kanya

“Yan wala, wala na yung residue!” patuloy na pang-aasar nito pagkalabas nya ng kotse nito

Pero hindi na lang niya pinansin ito at agad na tiningnan ang paligid kung nasaan ba siya dinala ni Joss

“Theme Park ha!” ang nakangiti nang nasabi ni Calyx habang tinitingnan ang buong paligid. Ngayon ay nasa isang sikat na theme park sila sa south.

“yan ngumiti ka na din! Tara na enjoy na natin ang buong araw” ang yaya nito kasama ang isang napakagandang ngiti

Bubuntot buntot lang si Calyx kay Joss hanggang sa makapasok na sila hanggang sa pagpila sa para sa ticket nila. Akmang magbabayad na ang huli nang biglang sumingit si Calyx

“Miss ito yung bayad” sabay harap kay Joss

“This time its my treat!” nakangiting sabi nito sabay alis at lakad na paloob

-o-o-o-o-

Nagsisisi na ngayon si Calyx nang sabihin niyang sya ang bahala sa lahat ng gastos nilang dalawa ni Joss sa kadahilanang hindi ito nahihiya na kala mo ay sobrang close na sila

“I-try natin yun mukhang masarap yon” ang laging linya ni Joss sa kanya sa tuwing matatapos sila sa mga rides at ibang mga atraksyon ng park na iyon at makakakita ng ibat-ibang food cart o kainan sa paligid

“Sige i-try na natin, nahihiya naman ako sayo” nakangiting huwad ni Calyx na mahihimigan ng pasaring

“Tas iyon din, siguro masarap din doon, dami bumibili” sa bay turo nito sa kalapit na Food stand

“Mukha na namang hindi, madami lang bumibili dahil doon lang yung malapit sa rides na yon” ang mahinahong pagkontra nito para hindi mahalatang umaalma na sya kasabay din ang malapit na rides sa tabi nito para gumana ang palusot nito

“Subukan na din natin para malaman natin para kung hindi nga masarap di sasusunod  alam na natin hindi na tayo bibili doon” ang pagharap naman ni Joss dito na may pagkalaki laking ngiti

“Nakakapagsisi” ang naibulong nalang ni Calyx

“May sinasabi ka ba?” nakakagagong tanong lang nito

“Wala” sabay pakawala nito ng hilaw na ngiti

-o-o-o-o-

Lumalalim na ang gabi at halos nasakyan na rin naman nilang dalawa ang lahat ng pwedeng sakyan at puntahan at lalot higit ay mukhang nabilhan din nila lahat ng mga tindahan doon ng pagkain dahil sa pasadyang pagtuturo-turo at pagpapabili ni Joss dito

“Joss, ah eh paano kasi gumagabi na may pasok pa tayo bukas” ang medyo nag-aalangan na pagpapaalala nito sapagkat kita nya ang labis na pag-eenjoy ni Joss at kahit sya at ang dami nya rin nalaman sa pagkatao nito.

“Oo nga no!” sabay tingin nito sa relo niya

“Pasensya na sobra lang ako nag-enjoy kaya hindi ko na namalayan, tara na” ang dagdag nito

“Salamat!” ang nasambit ni Joss bahang naglalakad sila palabas ni Calyx

Napangiti naman ang huli sa sinabi nito:)

“Dapat lang, grabe ka, ilang taon ka bang hindi kumain at lahat nalang binilhan mo, yumaman sayo ang mga food stands ah!” ang pambabara na tinawanan lang ng malakas ni Joss

-o-o-o-o-

Nang makarating na silang dalawa sa sasakyan nila ay sya namang pag liwanag sa likuran nila at nang lingunin nila ito ay labis na paghangan ang dahil sa magagandang fireworks sa kalangitan

“Ang ganda!” ang bulong ni Calyx

Napasandal na lang silang dalawa sa kotse at pinanood ang fireworks display ng theme park na kanilang pinuntahan

Habang nagpuputukan ang mga iyon sa himpapawid at nagbibigay ng magandang desenyo sa kalangitan ay ang paggagundong ng malakas na payagak malapit sa kinatatayuan nina Calyx

Isang malakas na iyak na mas kumuha na ng atenyon ng dalawa

Itutuloy..........

(abangan ang mga susunod na kabanata dahil dito na magsisimula ang lahat, ang mga twists ng storya at ang magpapalapit sa mga bida ng istorya. Salamat!)